Я.Буянжаргал: Энэ сарын 2-нд Монголд ирсэн франц иргэнээс шинж тэмдэг илэрсэн тул тусгаарласан

Өнөөдөр /2020.03.08/ ЭМЯ-наас шинэ коронавирусийн халдварын талаарх цаг үеийн ээлжит мэдээллээ өглөө. Үүгээр тус яамны Эмнэлгийн тусламж, үйлчилгээний газрын дарга Я.Буянжаргал,

“Эмч, мэргэжилтнүүд маань 24 цагийн бэлэн байдалд ажиллаж байна. Өнөөдрийн байдлаар 901 хүнийг тусгаарлан, ажиглаж байгаа. 

Жаргалантын аманд тусгаарлагдсан 14 хүний тусгаарлалтад байх хоног гүйцсэн тул өнөөдрөөс тэд гэртээ харьж буй гэдгийг мэдэгдье.

Хөдөө, орон нутагт томилолтоор ажиллаж халат, эмнэлгийн хамгаалах хувцас хэрэгслийг ашиглах заавар зөвлөмжийг хүргүүлж байна. Хүмүүс халварын шинж тэмдэг илэрвэл айж, сандран эмнэлэгт очдог. Энэ нь өөртөө болон бусад хүмүүст өндөр эрсдэл үүсгэж буй юм. Иймээс амны хаалтаа сайтар зүүж, гэртээ өөрийгөө тусгаарлаад эмнэлгийн байгууллагатай утсаар холбогдох хэрэгтэй. Шуурхай дуудлагын утас 24 цагаар ажиллаж байгаа.

Мөн Монгол Улсад суугаа гадаадын иргэдэд зориулж англи хэл дээр заавар, зөвлөмж хүргүүлж эхлэх ажлыг санаачлан, хэрэгжүүлж байна.

Хамгийн сүүлд ирсэн мэдээллээр, Дорноговь аймагт Франц иргэнээс шинэ коронавирусийн шинж тэмдэг илэрсэн тул сэжигтэй тохиолдолд тооцон, тусгаарласан байна. Тэрбээр энэ сарын 2-нд Франц улсаас ирсэн” гэлээ.