БНСУ-д Монгол эмэгтэй бусдын гарт амиа алджээ

Энэ сарын 8-наас 9-нд шилжих шөнө /2020.03.08-наас 09/ Монгол улсын иргэн 50 настай Д, БНСУ-ын Гёнбуг мужийн Гуми хотод бусдын гарт амиа алдсан байж болзошгүй байдалтай олджээ.

Талийгаач тус дүүрэгт сарын өмнө ажиллахаар ирсэн ч, удалгүй сураггүй болж, улмаар ийнхүү харамсалтайгаар амиа алдсаныг цагдаагийн байгууллагаас илрүүлсэн байна.

Түүний цогцсыг эл хотын цасанд булаатай байсныг илрүүлжээ. Шинжээчдийн багийн урьдчилсан дүгнэлтээр талийгаач эмэгтэйн хоолойг боомилж, амь насыг нь хороосон байж болзошгүй гэв. Цагдаагийн байгууллагаас уг хэргийн сэжигтнээр хохирогчтой ижил насны эмэгтэйг баривчлан, цагдан хориод байна. Эх сурвалжуудын мэдээлж буйгаар тус Солонгос эмэгтэй, хохирогчтой найзууд байсан гэв.