Д.НАРАНГЭРЭЛ: “КОВИД-19”-ЫН ТАРХАЛТАД ЦАГ АГААР НӨЛӨӨЛЖ БАЙГАА ЭСЭХ ДЭЭР БАТЛАГДСАН СУДАЛГАА ГАРААГҮЙ

Ирэх долоо хоногоос дулаарна. Коронавирус дулаанд тэсвэртэй учраас өвчин тархах магадлал улам нэмэгдэнэ гэж зарим эмч мэргэжилтнүүд сошиал орчинд бичжээ. Гэхдээ энэ бол таамаг төдий зүйл гэдгийг Эрүүл мэндийн яамнаас мэдээлж байна. Өнөөдрийн байдлаар шинжлэх ухаан энэ талаар ямар нэг тайлбар гаргаагүй байгаагаас гадна, бүрэн тодорхойлоогүй байгааг онцоллоо.

Гавьяат эмч Б.Болдсайхан өөрийн цахим хуудсандаа цаг агаар дулаарахтай зэрэгцэн хүний дархлаа муудан, бие хямарч улмаар ханиад хүрдэг. Үүнтэй адил Ковид-19 коронавируст халдвар ч цаг агаар дулаарах үед тархах өндөр эрсдэлтэйг сануулж, сайн унтаж амрахыг зөвлөсөн байна. Түүний хэлсэнчлэн  Ковид-19 дулааны улиралд идэвхижилт өндөр байдаг эсэх дээр ЭМЯ-наас тодруулахад батлагдсан судалгаа байхгүй байна гэсэн юм.  

Цаг агаар дулаан байх нь халдвар тархах эрсдлийг нэмэгдүүлдэг үү гэсэн асуултад хариулт өгөхөөр дэлхийн олон эрдэмтэд судалгаа явуулж байна. Гэхдээ одоогоор үүнийг баталсан судалгаа гараагүй болохыг хэллээ.