Д.НЯМХҮҮ: БАТЛАГДСАН ГУРВАН ТОХИОЛДОЛТОЙ ОЙРЫН ХАВЬТЛУУДЫГ ТУСГААРЛАН, ШИНЖИЛГЭЭНД ХАМРУУЛЖ БАЙНА

Тусгай үүргийн онгоцоор ирсэн гурван зорчигчоос (Ковид-19) коронавируст халдвар илэрсэн. Ингэснээр Монгол Улсын иргэнээс Ковид-19 илэрсэн анхны тохиолдол боллоо. Дээрх иргэдийг болон ойрын хавьтлын тохиолдлуудыг тусгаарласан. Мөн тусгаарлагдсан иргэдийг шинжилгээнд хамруулах ажлыг зохион байгуулан ажиллаж байна. Одоогоор ойрын хавьтлын 61 иргэний хариу сөрөг гарсан гэдгийг ХӨСҮТ-өөс мэдээллээ.