УЛСЫН ОНЦГОЙ КОМИССЫН МЭДЭЭЛЛЭЭС..

Улсын Онцгой Комиссын хуралдааны шийдвэрээс танилцуулж байна.

✅Франц иргэний биеийн байдал тогтвортой байна. Түүнтэй ойрын хавьталтай хүмүүсийн хариу бүгд сөрөг гарсан. Гэхдээ тусгаарлагдсан хэвээр байгаа.
✅Шинээр вирус илэрсэн гурван Монгол иргэнийг эмчилгээнд шуурхай оруулаад явж байна. Солонгосоос ирсэн 2 эмэгтэйн биеийн байдал тогтвортой. Францаас Берлинээр дамжин ирсэн эмэгтэйн биеийн байдал хүндэвтэр байна. Тэдэнтэй хамгийн ойрын хавьтлын хүмүүсийг ХӨСҮТ дээр тусгаарласан. 111 хүнээс 61 хүний хариу сөрөг буюу халдваргүй гарсан. Үлдсэн хүмүүсийн шинжилгээ хийгдэж байна.
✅Онгоцонд явсан зураглаач болон мэргэжлийн хяналтын байцаагч нар бүгд ном журмаараа тусгаарлагдсан.
✅Зураглаачийн хувьд болж буй процессыг үлдээж, цаашид сургамж болгож сэрэмжлүүлэх үүднээс бичүүлэхээр явуулсан.
✅Маргаашийн Туркийн нислэгт өмнөх нислэгүүдийн адил дэг журам үйлчилнэ.
✅Сургууль цэцэрлэгийн үйл ажиллагааг хязгаарласныг үргэлжлүүлэх эсэхийг БСШУЯ шийднэ. Өнөөдрийн Онцгой комиссын хурлаас Боловсролын яаманд үүрэг өглөө.
✅Баян-Өлгий аймаг руу орох гарах хөдөлгөөний хорио хэвээр байгаа. Тус аймагт ирсэн сэжигтэй иргэний шинжилгээ эхний байдлаар сөрөг гарсан ч давтан шинжилгээний хариуг харж байж, хөл хориог цуцлах эсэхийг шийднэ.
✅Гаднаас иргэдээ авч ирэх тусгай үүргийн онгоцонд өвчний шинж тэмдэгтэй, халуунтай иргэдийг суулгахгүй.