"COVID-19 халдвар авсан зургаан иргэний дөрвийнх нь биеийн байдал дунд, нэг нь хүндэвтэр, франц иргэнийх тогтвортой байна"

ЭМЯ-наас коронавирусийн халдварын талаар мэдээлэл өгч байна.

Энэ үеэр ХӨСҮТ-ийн Тандалт судалгааны албаны дарга А.Амбасэлмаа “Гуравдугаар сарын 17-ны өдөр ХӨСҮТ-д нэг, Говь-Алтай аймагт нэг, Сэлэнгэ аймагт хоёр хүн тусгаарлагдаад байсан. Эдгээр хүмүүсийн шинжилгээнд коронавирус илрээгүй. 

Харин өчигдөр шинээр Сэлэнгэ аймаг гурван сэжигтэй тохиолдол тусгаарлагдсан. ХӨСҮТ-д сэжигтэй тохиолдол бүртгэгдээгүй.

Гуравдугаар сарын 16-нд Берлин-Москва-Улаанбаатарын онгоцоор ирсэн нэг сэжигтэй тохиолдлын шинжилгээний хариу эерэг гарсныг өчигдөр мэдээлсэн. Ингээд COVID-19 халдварын нийт зургаан тохиолдол ХӨСҮТ-д эмчлэгдэж байна.

Халдвар илэрсэн зургаан иргэний  дөрвийнх нь биеийн байдал дунд, нэг нь хүндэвтэр, Франц иргэнийх тогтвортой байна.

Франц иргэний биеийн байдал тогтвортой байгаа.

Мөн өчигдрийн нислэгээр ирсэн 200 гаруй хүний 25 нь ХӨСҮТ-д тусгаарлагдсан. Нийт дөрвөн удаагийн тусгай үүргийн онгоцоор нийт 1,000 гаруй хүн ирсэн байна. Бид тэдгээрт үргэлжлүүлэн шинжилгээ хийж байна" гэсэн мэдээллийг өглөө.

Өөрөөр хэлбэл, өнөөдрийн байдлаар COVID-19-ийн халдварын шинэ тохиолдол нэмж бүртгэгдээгүй байна.