Баян-Өлгий аймгийн орох, гарах хөдөлгөөнийг нээв

Баян-Өлгий аймгийн авто замын орох, гарах хөдөлгөөнийг өнгөрсөн шөнө 00:00 цагт нээжээ.

Баян-Өлгий аймаг COVID-19 халдварын эрсдэлтэй бүсэд тооцогдож буй. Тиймээс халдвараас урьдчилан сэргийлэх зорилгоор тус аймгийн Онцгой комисс хуралдаж, сум хооронд  болон хот хоорондын хөдөлгөөнийг хориод байсан билээ.

Гуравдугаар сарын 17-ны байдлаар Баян-Өлгий аймгийн хэмжээнд дөрвөн байранд нийт 192 хүн тусгаарлагдсан бөгөөд гуравдугаар сарын 14-нд Казахстанаас ирсэн 59 иргэнийг гэр гэрт нь тусгаарлан, хяналт тавьж ажиллаж байгааг тус аймгийн Засаг дарга А.Гылымхан мэдээлж байв.  

Харин өмнө нь бүртгэгдсэн дөрвөн сэжигтэй тохиолдлын шинжилгээний хариу бүгд сөрөг гараад байна.