БНАСАУ өнөөдөр өглөө Япон тэнгис рүү пуужин харвалаа

БНАСАУ өнөөдөр өглөө Япон тэнгис рүү пуужин харвасан тухай Японы өөрийгөө хамгаалах хүчин мэдээлжээ. Ингэснээр тус улс сүүлийн нэг сар хүрэхгүй хугацаанд зургаан пуужин харваж байна. 

Өмнө нь энэ сарын 2, 9, 21-ний өдрүүдэд тус бүр хоёр пуужин туршсан юм. 

Энэ удаагийн пуужингууд өмнөх туршилтуудын адил Японы эдийн засгийн тусгай бүсээс гадна буюу Япон тэнгисийн эргээс 200 миллийн зайд туссан гэж эх сурвалж мэдээллэв. 

Японы талын мэдэгдэлд "Хойд Солонгос сүүлийн үед үл мэдэгдэх пуужин туршиж байгаа нь Япон болоод Олон улсад ноцтой асуудал болоод байна. Бид Японы иргэдийн амь нас, эд хөрөнгийг хамгаалахын тулд сонор сэрэмжтэй байж мэдээлэл цуглуулсаар байх болно" гэжээ. 

Өмнөд Солонгос болон АНУ-ын талаар Хойд Солонгосыг пуужин хөөргөсөн гэдгийг баталсан ч ямар пуужин болохыг нь тогтоож чадаагүй байна. 

Эх сурвалж: news.mn