Б.Ууганбаяр: Нэг өрөөнд нэг хүн байрлуулах зарчмын дагуу одоогоор 360 орчим хүнийг тусгаарлах боломж байна

Улсын онцгой комиссын шийдвэрээр

• дөрөвдүгээр сарын 2-нд Улаанбаатар-Сөүл-Улаанбаатар, 
• дөрөвдүгээр сарын 3-нд Улаанбаатар-Токио-Улаанбаатар чиглэлд тусгай нислэг үйлдэж, монгол иргэдээ эх оронд нь авчирна. 

Эдгээр иргэнийг нэг өрөөнд нэг хүн байлгах зарчмаар тусгаарлахаар болсон юм. Ингэснээр тусгаарлах байрны хүрэлцээнд хүндрэл үүсэхээр байгааг УОК-ын Шуурхай штабын дарга Б.Ууганбаяр хэллээ.

Тэрбээр "Уг зарчмын дагуу одоогоор 360 орчим хүнийг хүлээн авах боломж бидэнд байна. Өнөөдөр 10:00 цагт томоохон зочид буудлуудын захирлуудтай уулзан саналаа хэлж, дэмжихийг хүссэн. 15:00 цагт хариугаа өгөх ёстой. Үүний дараагаар хууль тогтоомжийн хүрээнд нийслэлийн Засаг дарга захирамж гарган зарим томоохон зочид буудлуудыг дайчилна" гэв.