Испанийн гүнж COVID-19 өвчнөөр нас барсан анхны язгууртан болжээ

Испани улсын гүнж Мария Тереза шинэ коронавирусийн өвчлөлөөр нас барсан сурвалжит гэр бүлийн анхны гишүүн болсныг түүний дүү Даваа гарагт мэдэгджээ.

 Испанийн эзэн хаан Фелип VI-ийн үеэл гүнж өнгөрсөн долоо хоногийн Пүрэв гарагт Парис хотод 86 насандаа таалал төгссөн байна. Гүнжийг Баасан гарагт Испанийн нийслэл Мадрид хотод оршуулжээ. Испани, Франц улсууд аль аль нь коронавирусийн тахлын Европ тив дэх том төв болоод байна.

Шинэ коронавирус Европын зарим язгууртнуудад халдварлаад байгаа. Тухайлбал хамгийн анх Монакогийн ханхүү Альберт халдвар авсан нь тогтоогдож, тусгаарлагдсан бол дараа нь Их Британийн угсаа залгамжлах ханхүү Чарльзийн шинжилгээний хариу эерэг гарч, мөн тусгаарлагдсан юм.

Эх сурвалж: CNN