УИХ-ын гишүүдэд шинээр iPad тараахгүй

УИХ-ын хаврын ээлжит чуулган өнөөдөр нээлтээ хийх гэж байна.

Энэ удаагийн чуулганы хуралдааныг коронавирусийн халдвараас сэргийлэх зорилгоор цахим хэлбэрээр явуулах болсон. Цахим хуралдааны бэлтгэж ажлын хүрээнд УИХ-ын Тамгын газраас гишүүн болгонд iPad төхөөрөмж өгч байгаа гэдэг мэдээллийг тус газраас өгсөн юм. 

Уг мэдээлэлтэй холбоотойгоор гишүүн тус бүрт шинээр iPad өгөх гэж байна гэдэг шүүмжлэл олон нийтийн зүгээс гараад байгаа. Энэ талаар УИХ-ын Хэвлэл мэдээлэл, олон нийттэй харилцах хэлтсээс тодрууллаа. 

Тус хэлтсээс “Шинээр сонгогдсон гишүүн бүрт албан хэрэгцээнд нь зориулж iPad болон бусад төхөөрөмж өгдөг. Чуулганы хуралдааныг цахимаар явуулахтай холбоотойгоор гишүүдийн хэрэглэж байсан iPad-нд ирцэнд бүртгүүлэх, санал өгөх зэрэг программ суулгаад буцаагаад өгч байгаа юм. Түүнээс биш хөрөнгө зарж, шинээр iPad аваагүй” гэдэг хариулт өглөө.