Ж.Амгалан: Иргэдийн ажилдаа явж, гэртээ ирдэг маршрутыг цахимаар хянах бэлтгэл ажлыг хийж байна

Улсын онцгой комиссын Шуурхай штабаас өнөөдөр/2020.04.16/ мэдээлэл хийлээ.

Энэ үеэр ЦЕГ-ын Нийтийн хэв журам хамгаалах, олон нийтийн аюулгүй байдлыг хангах албаны дарга, цагдаагийн хурандаа Ж.Амгалан "Улаанбаатар хотод 1,600 орчим олон нийтийн цагдааг ажиллуулахаар болсон. Энэ хүмүүс ажилдаа орж байгаа. Тиймээс энэ хүмүүсийн тавьсан шаардлагагыг биелүүлэхийг хүсэж байна. Энэ жишгээр бүх аймаг дахь баг, хороо, хэсгийн ахлагч нарыг ажиллуулна.

Мөн цэргийн бүртгэлтэй үүрэгтнүүдийг дайчлахаар судалж байна. Одоогоо Дайчилгааны тухай хуульд тодруулах, нийцүүлэх асуудал байгаа тул түр хүлээж байгаа. 

Хөл хорио цээрийн дэглэм сахиулахад олон улсын туршлага судлаад цахим хэлбэрт шилжүүлэх талаар судалгаа хийж байна. Хэрэв үр дүнтэй байвал орон нутаг, нийслэлийн иргэдийг цахим картаар тодорхой маршрутаар ажилдаа явдаг, бусаад тэр маршрутаараа гэртээ ирдэг байдалд шилжих бэлтгэл ажлуудыг хийж байна" гэв.