Пицца Хат брэнд хүүхдийн тоглоомын талбай байгуулж өглөө

#ТЭГШБОЛОМЖCHALLENGE-д Пицца Хат брэнд нэгдэж олон нийтийн саналаар Сонгинохайрхан дүүргийн 10-р хороо, Баянхошууны шинэ эцэст байрших хоосон талбайд ‘’Хүүхдийн тоглоомын талбай’’ байгуулж өглөө.

Нийгмийн хариуцлагын хүрээнд хүүхэд бүрийг эрүүл аюулгүй орчинд сурч хөгжих, тоглон наадах тэгш боломжоор хангах  энэхүү ажлын үр дүн нь олон хүүхдийн инээд хөөр, баяр баяслаас мэдрэгдэж байна. Тоглоомын талбайг хүлээлгэж өгөхдөө Пицца Хат –ын хамт олон хүүхэд багачуудынхаа төлөө цаашид ч илүү ихийг хийх болно гэдгээ онцолж байлаа.  

Мөн эх орны ирээдүй болсон багачууддаа тэгш боломж олгож, баяр хөөртэй байлгах нь томчууд биднээс хамаарах тул хувь хүн болон албан байгууллагуудыг энэхүү давалгаанд нэгдэхийг уриалж байна.

#Хүүхдэд_Ээлтэй_Нийгмийн_Tөлөө_Хамтдаа #Пицца_Хат_Брэнд