Сүүлийн 10 жилд Монгол Улсын хүн ам 542 мянгаар өсжээ

Хүн ам, орон сууцны 2020 оны тооллогын дүнгээр сүүлийн 10 жилд Монгол Улсын хүн ам 542 мянгаар нэмэгдэж, 3,296,866 болжээ. 

Хүн амны насны ерөнхий бүтэц залуу хэвээр буюу  0-14 насны хүүхэд 31.5 хувь, 15-64 насны хүн ам 64.4 хувийг эзэлж байна. Насны бүтцийг таллан тооцвол тал хувь нь 27.9 наснаас доош, тал хувь нь үүнээс дээш насныхан байна. 

График. Хүн амын тоо(тооллого явуулсан оноор)

Хөдөлмөрийн насны 100 хүнд ногдох ачаалал 55.3 болж өсжээ

Хүн ам зүйн ачаалал өнгөрсөн 10 жилд 10.3 пунктээр нэмэгджээ. Өөрөөр хэлбэл, хөдөлмөрийн насны 100 хүнд ногдох ачаалал 55.3 болж өссөн байна. Энэхүү ачааллыг бууруулахын тулд ажлын байр нэмэгдүүлэх чиглэлд анхаарах нь хамгийн оновчтой болохыг уг тоо харуулж байгааг Үндэсний статистикийн хороо судалгааныхаа дүнд онцолжээ.