ФОТО: Тээврийн цагдаагийн албаны 25 алба хаагчид орон сууцны батламж олголоо

Дэлхий нийтээр тархаад буй коронавирус “Ковид-19”-ын цар тахалтай тэмцэх, халдвараас урьдчилан сэргийлэх, нийтийн хэв журмыг хамгаалах, хөдөлгөөний аюулгүй байдлыг хангах чиглэлээр Цагдаа, дотоодын цэргийн анги байгууллагын хамгаалалт, зохицуулалтад үүрэг гүйцэтгэсэн алба хаагчдад Монгол Улсын Засгийн газрын “Төрийн алба хаагчдыг түрээслээд өмчлөх хэлбэртэй орон сууцаар хангах хөтөлбөр”-ийн хүрээнд түрээсийн орон сууц өмчлөх “БАТЛАМЖ”-ийг гардуулах арга хэмжээ өнөөдөр /2020.07.03/ Тээврийн цагдаагийн албаны төв байранд боллоо.

Энэхүү түрээсийн орон сууц өмчлөх “Батламж"-ийг тус албаны 25 алба хаагчид гардуулав.

Мөн арга хэмжээний үеэр ХЗДХЯ-ны шагнал "Цагдаагийн алдар" тэмдэгээр 4 алба хаагч, "Хүндэт жуух" бичгээр 2 алба хаагчийг тус тус шагналаа гэж Тээврийн цагдаагийн албанаас мэдээллээ.