Геодези, Усны барилга байгууламжийн газрынхан шуурхай арга хэмжээ авлаа

Цаг агаар дулаарч цас мөс хайлсны улмаас Сонгинохайрхан дүүргийн 19, 27-р хороо буюу Толгойтын сувагт шар усны үер буун далан сувгаас хальж аюултай нөхцөл байдал үүссэн байна. Иймд "Геодези, Усны барилга байгууламж" ОНӨААТҮГ байгууллагын удирдлага, ажилтан албан хаагчид тус газарт ажиллан, шуурхай арга хэмжээ авсан юм. Халиа үүссэн тухайн газарт 56 рейсээр 870 тн шороо тээвэрлэн далан үүсгэн үерийн ус халихаас сэргийлж механизмаар 1000 м урт, 1 м гүн, 1.2 м өргөн, гар ажиллагаагаар 100 м урт, 0.4м өргөн 0.2м гүн суваг татлаа. Мөн усанд автсан барилгын 1320 м3 талбайн усыг помпоор соруулан, Усны машинаар 250 рейсээр 2000 тн ус соруулж аюулгүй байдлыг ханган ажиллалаа.